Milte nahi alfaaz….

Milte nahi alfaaz to kis tarah likhu
Gum aaj bhi hai aas-paas kis tarah likhu
Milte nahi alfaaz….

Kalpana ke baadlo me chahta hu udnaa
“Par” nahi hai mere paas kis tarah likhu
Gum aaj bhi hai aas-paas kis tarah likhu
Milte nahi alfaaz….

Rehtaa thaa banke dhadkan vo shaks jis dil me
Vo dil nahi hai mere paas kis tarah likhu
Gum aaj bhi hai aas-paas kis tarah likhu
Milte nahi alfaaz….

Jiski wafaa ke charche kartaa thaa dino-raat
Usse nahi wafaa ki aas kis tarah likhu
Gum aaj bhi hai aas-paas kis tarah likhu
Milte nahi alfaaz….

Vo aaya banke baadal,barsaa nahi magar
Hothon pe meri uski pyaas kis tarah likhu
Gum aaj bhi hai aas-paas kis tarah likhu
Milte nahi alfaaz….

Milte nahi alfaaz to kis tarah likhu
Gum aaj bhi hai aas-paas kis tarah likhu
Milte nahi alfaaz….

Published in: on May 11, 2008 at 10:57 am Comments (5)

Pehraa hai…

Kitna khubsurat chand ka chehra hai,
Us par shabaab ka rang bahut gehra hai,
Khuda ko yakin na tha wafa par,
Tabhi to ek chand par hazaaron taaron ka pehra hai.

Published in: on at 10:48 am Comments (2)

Naam to aaya…

Dard hi sahi mere ishq ka inaam to aaya,
Khaali hi sahi haathon me jaam to aaya,
Main hoon bewafa yeh sabko bataaya usne,
Chalo Yun hi sahi uske labon pe mera naam to aaya.

Published in: on at 10:46 am Comments (5)

Chehre…

Zakham jab mere sine me bhar jaayenge,
Aansu bhi moti bankar bikhar jaayenge,
Ye mat poochna kis-kis ne dhokha diya,
Varna kuch apno ke bhi chehre utar jaayenge.

Published in: on at 10:43 am Comments (3)

Dete hai kyu…

Dete hai kyun ye dard bas humi ko,
Kya samjhenge wo in aankhon ki nami ko,
Laakho deewane ho jis chaand ke,
Wo kya mehsus karega ek taare ki kami ko.

Published in: on at 10:40 am Leave a Comment

Aazmaane me…

Baaki kuch na raha zamaane me,
Zindagi guzar gayi aapko paane me,
Ab to karlo pyaar pe yakeen,
Varna zindagi beet jaayegi aazmane me

Published in: on at 10:37 am Leave a Comment

Yaad aayenge…

Khubiyaan itni to nahi hum me,
Ki tumhe har pal yaad aayenge,
Par itna aeitbaar hai hume khud pe,
Ki aap kabhi hume bhool bhi na paayenge

Published in: on May 10, 2008 at 12:51 pm Comments (2)

Auro ki tarah..

Apnaapan sikhaa kar judaa ho gaye,
Na socha Na samjha khafaa ho gaye,
Ab kisko hum apna kahenge,
Wo bhi auro ki tarah bewafaa ho gaye.

Published in: on at 12:44 pm Leave a Comment

Pyaar karte hai…

Badalna aata nahi humko mausam ki tarah,
har roop me unka intzar karte hai,
na samet sakenge jise qayamat tak,
kasam khuda ki unhe itna pyar karte hai.

Published in: on at 12:43 pm Leave a Comment