Ae dil…

Ae dil,tu dhadaknaa chod de,
Tu dhadaktaa hai to unki yaad aati hai,
Vo to khush hai apni duniyaa me,
Jaan to pal pal hamaari jaati hai…

Published in: on April 28, 2006 at 2:27 pm  Comments (1)  

Roothna mat

Roothna mat,hame manaana nahi aata,
Dur mat jaana,humse rahaa nahi jaata,
Tum bhool jao tumhari marzi,
Hum kyaa kare,hume to bhulaana bhi nahi aata…

Published in: on April 25, 2006 at 6:48 pm  Leave a Comment  

Pal pal…

Pal pal tarse the us pal ke liye,
Pal aaya bhi to us kuch pal ke liye,
Socha tha use zindagi ka ek hasin pal ban lenge,
Pal vo pal ruka bhi to bas ek pal ke liye…

Published in: on April 25, 2006 at 6:33 pm  Leave a Comment  

Jinhe hum bhulana chahte hai….

 

Jinhe hum bhulana chahte hai,vo aksar yaad aate hai,
jaise in aankho me kabhi moti chalak jaate hai,
zindgi ye mujhe kis mod par chod gayi
saare mod bhi to usee ki panaah me jaate hai…..

Maut bhi nahi milti,mar mar ke jiye jaate hai,
aise aalam me socho kaise hum muskuraye jaate hai,
meri fariyaad manjoor jaroor hogi ek din
is tarah hum apne aap ko behlay jaate hai………

Is tanhai me hum mehfil sajaye jaate hai,
dekho,hum kaisee kasak uthaye jaate hai,
chaar din ki zindgi hai magar
jaanboozhkar ise ek janam banaye jaate hai…..

Sapne tut gaye hai,apne dil ko samjhaaye jaate hai,
apni khamoshi se hum dastak diye jaate hai,
itna aasan nahi hota khud par hasna
aur hum to khud par roey chale jaate hai……..

Apni nigaho me kisi ki tasveer chupaye jaate hai,
na jaane kyu sabhi me usi ko dhundte chale jaate hai,
dekho kitni door ye safar tay kar liyaa
fir use bhula baithe,firse use yaad kiye jaate hai…….

Published in: on April 13, 2006 at 6:09 pm  Comments (3)  

Jaane kyaa

Jaane kyaa mujhse zamaana chahtaa hai,
Mera dil todkar mujhe hasaana chahtaa hai,
Jaane kyaa baat jhalakti hai mere chehre me,
Har shaks mujhe aazmaana chahta hai….

Published in: on April 10, 2006 at 8:39 pm  Leave a Comment