Rishte…

Jab hume rishte nibhaane aate hi nahi,
Kyaa karoge humse rishtaa jodke…

Bewafaai ka ilzzaam sar liye ghumte hai,
Kyaa karoge wafaa ka ikraar karke…

Chahto ka silsila tut jaata hai baarbar
Tum reh naa jaana kahi intezaar karke…

Chaahenge tumhe hi har pal ye yaad rakhnaa,
Bas aas naa rakhnaa hamaari,hume yaad karke…

Tanhaai apne saath hi liye jaa rahe hai hum,
Tum mehfil ko apnaa lo,unhe aabad karke…

Waada karo kabhi gum naa karoge hamaare jaanekaa,
Yahi ek silaa maangte hai tumse fariyaad karke…

Advertisements
Published in: on November 28, 2007 at 11:26 am  Comments (4)  

Aakhri salaam…

Sochaa naa thaa hum bhi aisii shaam dekhenge,
Tujh jaise bewafaa ka aakhri salaam dekhenge,
Tut kar chahte rahe tumhe wafa ka naam pe,
Apne aap ko hi ek din tere naam pe tut-te dekhenge…

Saare sapno ko samete rakhaa thaa humne,
Un saari yaado ko ab bikharte dekhenge,
Mohabbat ke bazaar me yu hi ek din,
Apne aap ko hi hum yu nilaam dekhenge…

Sochaa naa thaa hum bhi aise shaam dekhenge,
Tujh jaise bewafaa ka aakhri salaam dekhenge…

Published in: on November 22, 2007 at 10:41 am  Leave a Comment  

Phir chale jaana…

Apni bewafai ka matlab bataado, phir chale jaana
Yaa fir wafaa ki kahaani sunaa do, phir chale jaana…

Jo mera aur tumhaara waqt guzra hasne rone me
Use poori taraah se tum bhulaado, phir chale jaana…

Ye saare manzar tum bin ek arsaa jaage hai
Tum aake ek baar inhe sulaado, phir chale jaana…

Kisiko chahne ka aur kisi se chahe jaane ka
Jo hai ehsaas tum usko bhulaado, phir chale jaana…

Bas ek hasi se apne ashko ko chupaane ka
Jo fan aata hai tumko,wo sikhaado, phir chale jaana…

Wo jo ek wafa hai,vaise to hamaare naseeb me nahi…
Wo wafaa ko mitaado, phir chale jaana,

Jo kehte kehte ruk gaye,wo saari baato ko
Chori chori ek baar sunaado, phir chale jaana…

Na jaane kyu hai,lekin tumhe dekhte rehne ki aadat to hai
Meri ye aadat ek baar chudaa do, phir chale jaana…

Meri ye benaam mohabbat kaa naam bas ek tum ho
Tumhaare jaisa koi doosraa laado, phir chale jaana…

Published in: on November 15, 2007 at 2:40 pm  Comments (20)  

Diyaa hai dil…

Diya hai dil tumhi ko,Ab tumhi pe jaan bhi denge,
Tumhaari har bewafai ka tumhe inaam bhi denge…
Karoge yaad mujhko jab tumhaara dil gar tootega,
Teri har berukhi ko apni wafa ka ilzaam bhi denge…
Kiya hai khud se waada ek aansu rooyenge naa hum,
Mohabbat sacchi thi meri,Usko uskaa maan bhi denge…

Published in: on November 14, 2007 at 11:03 am  Comments (9)  

Dekhte hai hum…

Bade bebaak ho wafa ke manzar dekhte hai hum,
Kitni hasrat se uss bewafa ka ghar dekhte hai hum.

Bade vishvaas se jin haatho ko ye maasoom dil saupa,
Unhi haatho me liptaa khoon-e-khajar dekhte hai hum.

Nahi iska hai gum ki ruswai kaa haasil humne paaya hai,
Mohabbatme kaise jhuk gayaa mera sir dekhte hai hum.

Gar farmaan maut ka hotaa to seh bhi hum lete,
Saza hai zindgi ki usko jeekar dekhte hai hum.

Sabhi armaan dil ke aankho ke raaste dhal gaye dekho,
Mere mehboob me chehra-e-sitamgar dekhte hai hum.

Gar milaa khudaa to apni khata pooch bhi lenge,
Kyu hui uski dillagi mujhpar dekhte hai hum.

Published in: on November 14, 2007 at 11:02 am  Leave a Comment  

Kyu kehte ho…

Kyu kehte ho ki mujhse mohabbat nahi hai tumko,
Kyu dil ko mere tum beemaar karte ho,
Jo baat nigaahe keh rahi hai khud-b-khud,
Kyu usse labzo me tum inkaar karte ho…

Darte ho kis se,hai parwaah tumhe kiski,
Kis fikr me ye aalam bekaar karte ho,
Duniyaa to paraayi hai,ruswaa hi karegi,
Kyu uski khaatir khadi tum ye deewar karte ho…

Hai pyaar ka mausam yahaa,fizaaye bhi jawaan si,
Kyu dur se tum inkaa deedaar karte ho,
Gar mohabbat hai tumhe,keh kyu nahi dete,
Kyu tadpaate ho apne dil ko,laachaar karte ho…

Iqraar kar bhi lo ab,guzaarish hai meri tumse,
Kyu mere is dil ko beemar karte ho,
Mar kar bhi dikhaa denge tumhe,ek baar to keh do,
Kyu har pal bhalaa is dil pe yu vaar karte ho… 😉

Published in: on November 2, 2007 at 7:24 pm  Leave a Comment  

Muskuraa liyaa karte hai…

Hum aapko in aankho me
Yu basaa liyaa karte hai…
Ja sake jahaa tak hamaari ye nazar,
Aapko har jagah paa liyaa karte hai…

Aapki yaado ki mehak se
Din guzaar liyaa karte hai…
Naa mil sake aapse kabhi to,
Aapki tasveer ko seene se lagaa liyaa karte hai…

Hum naa jaante the ke pyaar me
Itni tadap hoti hai…
Aapki yaad me kabhi tanhai me,
Aansu bahaa liyaa karte hai…

Deewangi ki had naa poocho humse
Kalam haath e jab thamte hai kuch kaam se…
Bas aapka naam likh likh ke,
Dil behlaa liyaa karte hai…

Ab laut bhi aao tum hamaari khaatir,
Ke aapki aas me hi har shaam guzaar liyaa karte hai…
Mayusi jab chaa jaati hai chehre pe
Yaad karke aapko,Hum yu hi muskuraa liyaa karte hai…

Published in: on November 2, 2007 at 6:59 pm  Leave a Comment  

A True Happy Life

untitled.jpg

Just look at their condition.. no place to sleep, still they have
Made some space for d cat n d dog… water poring from the roof but still
Each 1 of them have a peaceful smile on their face.. Simply amazing!!!!!


The happiest people in the world are not those who have no problems,
But those who learn to live with things that are less than perfect.
Keep Smiling Always!!!!

Published in: on November 2, 2007 at 12:15 pm  Comments (7)  

Aise aise…

Aise aise loog jahan me dil ko lagaya karte hai,
Khud to aanhe bharte hai auroon ko jalaaya karte hai,
aise aise……

Ek kahani shama ki dekho, khud to jalti rahti hai,
Pyaar jataa kar parwaane ko, khud ka jalaaya karti hai,
aise aise………

Jab tak matlab hai unko raah saath saath wo chalte hai,
Jeewan ke is lambe safar me raahi roz badalte hai,
aise aise………

Anjaam mohabbat ka puchho, is khel ko jisne khela hai,
Kisee ko milti hai manzil, koi yahaan AKELA hai.
aise aise……….

                                                                       —– Ravi “Akela”

Published in: on November 1, 2007 at 11:25 am  Comments (2)  

Tumhara Saath

Pyasi nigahon ne her pal tumhaara saath maanga
Jaise amaawas ne her raat chaand maanga
Rooth gaya woh khuda bhi hum se
Jab hum ne apni her dua main tumhaara saath mangaa

                                                                              — Nihar Nagar

Published in: on November 1, 2007 at 11:18 am  Comments (30)