Ankho me

Ankhon mey ruka hua koi samunder dekha,
Ashkon mey dhalta Pyaar ka Mausam dekha…

Har aah ko samet kar apne dil mey panaah di,
Har lafaz ko humne apne yun theherte dekha…

Ghabra ke thaam liya humne yaadon ka daaman,
Dil par likhe har ek shabd ko jab mitt-te dekha…

Khwaabon ka ek khuda banayaa saath chalne ko,
Apni Zindagii ko humne jab tanhaa guzarte dekha…

Patthar samajh kar khud ko khaamosh ho gaye, aur
Lamhe-dar-lamhe khudko moum sa pighalte dekha…

                                                                                  – Shikha ( http

Published in: on January 25, 2008 at 1:59 pm  Comments (1)  

Nibhaaya na gayaa

Unka thikaana to dil me thaa hamaare
Par unse do kadam aaya na gaya
Humne ro kar pucha kyon tod diya pyaar ka waada
Unhone haskar kahaa bas nibhaaya naa gayaa

Published in: on January 25, 2008 at 1:58 pm  Comments (1)  

Nishaani reh jaayegi…

Meri yaado me, ek ankahi kahaani reh jaayegi
kuch palo mai beeti, saari zindgaani reh jaayegi

Kuch palo me chal padungi mai to ek kahaani bankar
Tamaam umar teri nazro mai, ek nishani reh jaayegi

Ye mehfilo ki duniyaa kar jaaungi naam tere
Fir bhi teri zindagi mai ek tanhaai reh jaayegi

Kab talak,apni kalam se khud ko zindagi mai du
panna panna ho jaye, to bhi meri shayri reh jayegi!

Zakhmo ka hisaab to hamesha hi behisaab raha
Kam se kam ek ankh to yah nami de jayegi!!!

Published in: on January 13, 2008 at 7:00 pm  Leave a Comment  

Real loss…

72a7eae.jpg

Published in: on January 7, 2008 at 7:56 am  Comments (3)