Aaj mujhe…

Thodaa Thodaa tanhaa rehne de aaj mujhe,
Khud hi khudse rooth jaane de aaj mujhe,
Naa sambhaal mujhe ke naazuk bahut hu mai,
Khud hi khudse toot jaane de aaj mujhe…

Naa rok,ke kismat aazmaane de aaj mujhe,
Ladke firse haar jaane de aaj mujhe,
Asar apni duaao ka vo rakhta hu mai,
Bas ek baar uske saamne haath uthaane de aaj mujhe….

Advertisements
Published in: on September 26, 2010 at 9:28 pm  Comments (3)  

Rona aaya…

Ye Din Bhi Qayamat Ki Tarah Guzra Hai
Janey Kya Baat Thi Har Baat Pe Rona Aaya…!

Published in: on September 14, 2010 at 3:15 pm  Comments (2)  

Kuch dost bahot yaad aate hain…..

Jab yaado ka kissa kholu to, kuch dost bahot yaad aate hain,
Main guzre pal jo sochu to, kuch dost bahot yaad aate hain….

Ab jaane kaunsi nagri mein, abaad hain ja kar muddat se,
Main raat der tak jaagu to, kuch dost bahot yaad aate hain…..

Kuch baatei thi phoolon jaisi, kuch lehje khushboo jaise the,
Main jo akele mein sochu to, kuch dost bahot yaad aate hain…..

Woh pal bhar ki naaraazgi,aur maan bhi jaana pal bhar mein,
Ab khud se jab bhi ruthu to, kuch dost bahot yaad aate hain….

(NM)

Published in: on September 14, 2010 at 2:21 pm  Leave a Comment  

Kuch Lafz..

Likh rahi hu kuch lafz…
Jo kabhi bhule bikhre yaad aayenge…

Hum to naa rahenge sang tumhaare sanam
Kuch lamhe jarur tohfe me de jaayenge…

Vo saare pyaare lamhe jo haath ki lakeero me the
Dhundoge agar to yahi kahi shaayad mil jaayenge…

Tumhaare chehre pe aayegi ek muskuraahat
Par aankho se shaayad ashq ruk naa paayenge…

Ye padte padte dil jo bhar aaaye tumhaara
Yakeen maano usi pal hum zindagi se haar jaayenge…

Teri khushi ke liye hi jaa rahi hu mai door
Mere saath rehene se tere raah me sirf kaate aayenge…

Aur vahi raat ki chandni me hum milenge fir ek baar
Kuch is tarah se aakhri baar hum tujhse gale lag jaayenge…

Naa ro padnaa, tum bas jaane denaa hume
Nahi to hum apne aap ko kabhi maaf naa kar paayenge…

Published in: on September 6, 2010 at 8:57 pm  Comments (2)