Dard Halka hai, Saas Bhaari hai,
Jiye jaane ki rasm jaari hai……
Aapke baad har ghadi humne,
Aapke saath hi guzaari hai…….
Kyaa bataaye….
Pal pal ab humne unhe sataana chod diya,
Har baat ab labo se bataana chod diya,
Rooh is kadar aaj dard se tadap gayi,
Kyaa bataaye, bas aankho ne muskuraana chod diyaa…
Yaado ke karvaan me aana jaana chod diya,
Tinke Tinke se apne aap ko behlaana chod diya,
Toot kar is kadar jo bihkhar ke reh gaye,
Kyaa bataaye, bas aaj apna ashiyaana chod diya….
Tum…
Saal beetey dil se mere jaa na paaye tum
Shaam ki tanhai mein phir yaad aaye tum
Har subha paaya tumhein khayaalon main apne paas
Raaton ko khwaabon mein mere muskuraye tum
Lagte ho mere apne,jabse gaye ho door tum
Najaane kyun lagte they pehle kuch paraaye tum
Pyaar hum se be-hisaab tha tumhein phir bhi
Jaane kyun hum se rahey nazrein churaaye tum
Jab talak tum sath they, shikway bhi sath they
Kuch nahi ho ab mohabbat ke siwaaye tum
Thak gaya hoon zindagi ki rehguzar main
Kaash mil jaate kahin nazrein bichaaye tum
Aaj mujhe…
Thodaa Thodaa tanhaa rehne de aaj mujhe,
Khud hi khudse rooth jaane de aaj mujhe,
Naa sambhaal mujhe ke naazuk bahut hu mai,
Khud hi khudse toot jaane de aaj mujhe…
Naa rok,ke kismat aazmaane de aaj mujhe,
Ladke firse haar jaane de aaj mujhe,
Asar apni duaao ka vo rakhta hu mai,
Bas ek baar uske saamne haath uthaane de aaj mujhe….
Kuch dost bahot yaad aate hain…..
Jab yaado ka kissa kholu to, kuch dost bahot yaad aate hain,
Main guzre pal jo sochu to, kuch dost bahot yaad aate hain….
Ab jaane kaunsi nagri mein, abaad hain ja kar muddat se,
Main raat der tak jaagu to, kuch dost bahot yaad aate hain…..
Kuch baatei thi phoolon jaisi, kuch lehje khushboo jaise the,
Main jo akele mein sochu to, kuch dost bahot yaad aate hain…..
Woh pal bhar ki naaraazgi,aur maan bhi jaana pal bhar mein,
Ab khud se jab bhi ruthu to, kuch dost bahot yaad aate hain….
(NM)
Kuch Lafz..
Likh rahi hu kuch lafz…
Jo kabhi bhule bikhre yaad aayenge…
Hum to naa rahenge sang tumhaare sanam
Kuch lamhe jarur tohfe me de jaayenge…
Vo saare pyaare lamhe jo haath ki lakeero me the
Dhundoge agar to yahi kahi shaayad mil jaayenge…
Tumhaare chehre pe aayegi ek muskuraahat
Par aankho se shaayad ashq ruk naa paayenge…
Ye padte padte dil jo bhar aaaye tumhaara
Yakeen maano usi pal hum zindagi se haar jaayenge…
Teri khushi ke liye hi jaa rahi hu mai door
Mere saath rehene se tere raah me sirf kaate aayenge…
Aur vahi raat ki chandni me hum milenge fir ek baar
Kuch is tarah se aakhri baar hum tujhse gale lag jaayenge…
Naa ro padnaa, tum bas jaane denaa hume
Nahi to hum apne aap ko kabhi maaf naa kar paayenge…
Haasil nahi hu mai
Thokar na laga mujhe patthar nahi hoon main,
Hairat se na dekh mujhe koi manjar nahi hoon main,
Teri najar main kuch kadar nahi meri ,
Magar pooch unse jinhe haasil nahi hoon mai…..
Haafiz Khuda…
Haafiz khuda, iss ishq ka… pyaar ka,
Haafiz khuda, ab har jagah… hai wafa,
Aankhon mein jo tasveer hai,
Mere khawabo ki taabeer hai…
Haafiz khuda, iss ishq ka… pyaar ka,
Haafiz khuda, ab har jagah… hai wafa.
Mujhko pata ab chal gaya,
Ke kitni rangeen hai kismat meri.
Darr tha magar, ab hai khabar,
Ki hai yeh chahat salamat meri.
Haafiz khuda, haafiz khuda,
Badi pyaari si hai meri dua.
Hai masoom sa, haan yeh dil bada,
Jo bhi isne chaha tha, woh mil gaya.
Haafiz khuda, iss ishq ka… pyaar ka,
Haafiz khuda, ab har jagah… hai wafa,
Aankhon mein jo tasveer hai,
Mere khawabo ki taabeer hai…
Haafiz khuda, iss ishq ka… pyaar ka,
Haafiz khuda, ab har jagah… hai wafa.
— Lyrics (Tasveer)
Ab naa jaa
ankhen band kar lu jo mein
dekhu bas tumhe
khwabon mein keh sakta huin aapna tumhe
rehne de mera ye wehemte hi yakin
na ja abhi…
pyar ki yeh raat hai ab na ja
chotisi ik baat hai ab na ja…
tumhi se hai meri neendein na bhi ho to kya
tumhi se hai meri baatein na bhi ho to kya
kehne de taaron ko kahaani ankahi
na ja abhi…
pyar ki yeh raat hai ab na ja
chotisi ik baat hai ab na ja ….
pal do pal ka saath hai ab na ja
jadusi ye raat hai ab na ja
ab na ja…..
maathe pe pyaar ki boondein
bikhre se kai sawaal
ankhon mein kitne mausam
pal mein beetein kitne saal
behne de jahan bhi le jaye zindagi
na ja abhi…
pyar ki yeh raat hai ab na ja
choti si ik baat hai ab na ja
pal do pal ka saath hai
ab na ja
jadusi ye raat hai ab na ja ……..
– Euphoria lyrics
The magic of words....continues 